Thursday, 30 June 2011

يا مصر هانت و بانت


افرج عن لؤي يا مجلس يا عسكري
افرج عن لؤي يا طنطاوي
و افتكر ان انت اللي جبته لنفسك
استحملناكم كتييييييير 
و سكتنا كتيييييير
بس المرة دي مش حتبقى سلمية
المرة دي مش الشباب السيس اللي حينزلكم
المرة دي 40%من سكان القاهرة اللي في العشوائيات حينزلولكم
عشان انتم خلاص كفرتوهم و كفرتونا
حتقولوا عليهم بلطجية
قشطة..أنا مع البلطجية
واما نشوف بلطجية الشعب و لا بلطجية الداخلية

افرجوا عن لؤي ةو كل لؤي و كفاية خيابة عشان خلاص الليلة قربت تخلص
و الصبر عالغبا له آخر

الداخلية دي مش عايزين نشوف خلقتها تاني
و كل ضابط سافل فاكر انه بيحكم شعب غلبان يفوق
احنا خلاص مبقناش غلابة
ياتتعاملوا بأدب..ياحتشوفوا قلة الأدب اللي بجد
افرجوا عن لؤي و كل لؤي و احبسوا اللي مفروض يتحبسوا

أنا نازلة مع البلطجية 
وكما شرفني أن أكون يوماً من العملا بتوع كنتاكي
يشرفني اليوم أن أكون من البلطجية

1 comment:

فاتيما said...

خلى بالك من نفسك داليا

ربنا يحرسك
ويحرس كل حد
قلبه طاهر زيك
ف البلد دى


ان شاء الله
كرمه واسع وهو خير حافظا
لكن برضو


خلى بالك
يا حبيبتى من نفسك