Wednesday, 26 January 2011

حفضل أحبك يا مصر

أنا مش عايزة أحكي على اللي شفته امبارح و لا اللي حصل لي..أنا كل اللي عايزة أقوله لكل مصري في مصر..دي بلدنا كلنا ..مش كفاية تقف في بلكونتك و ترمي أكل و مية للناس- كتر ألف خيرك طبعاً-بس يا ريتك شوفت امبارح ست عجوزة مصرية  في محطة الرمل و هي واقفة بتصرخ و بتبكي و الله العظيم و بتقول"الله أكبر..ربنا ينصركم يا شباب"و بعدين مشيت معانا و احنا محاوطينها..لكل رجل مصري في بيته بيتفرج أنا بقوله..انزل و شارك عيب يبقوا اخواتك البنات في الشارع بيجروا و يتضربوا وبيترمي عليهم قنابل و بيترش ميه و انت بتتفرج في البلكونة أوعالفيسبوك
أنا نازلة تاني النهاردة ان شاء الله و بكرة ة بعده و بعده لحد منشوف أخرتها ايه معاهم.
"اللهم انا نجعلك في نحورهم ونعوذ بك من شرورهم اللهم اكفينهم بما شئت وكيف شئت اللهم سريع الحساب منزل الكتاب هازم الاحزاب اللهم زلزلهم واهزمهم وانت على كل شيء قدير وكفى بالله حسيبا وكفى بالله وكيلا وكفى بالله وليا ونصيرا"

2 comments:

dodda said...

عاااجل جدا و هام اخواننا فى مصر
رساله من اخ تونسى
السلام عليكم إخواننا في مصر
...
.......لنجاح ثورتكم عليكم بما يلي
.......المظاهرات تكون ليلا ..وهذه لها عدة فؤائد
.أ:تقللون من فرص القبض عليكم ومن فرص معرفة هوياتكم
.ب:تستطيعون النجاة من عمليات التصوير
ج:ترهقون قوات مكافحة الشغب فانتم تثورن ليلا وتنامون نهارا وهم فحالة طواري قصوي فليلا شغب والنهار لا يستطيعون النوم فيكونون ضعفاء
.د:تمنعون عمليات الخطف وزورا الفجر
.اياكم وعمليات الانتحار فاذا كان مصيرك الموت فليكن برصاص طاغية
استغلوا الاعلام لتبليغ صوتكم فالضغظ الخارجي رهيب جدا

هااام بالله عليكم الهمة في النشر , من تونس الشقيق :إلى كل إخواننا الثوار في مصر استخدموا الاسبراي الأسود أو البويا لتغطية زجاج السيارات المصفحة لتشلوا حركتها

لسان ثوار تونس "ملاحظة هامة: غسل الوجه بالكوكا كولا يزيل فورا مفعول القنابل المسيلة للدموع .. جرّبنا هذا في تونس حتى باتت قنابلهم بلا جدوى .. الله معكم يا مصرين"
انشرها حتي لا يتاذي اخواننا

ابراهيم خليل said...

يا حلم بايت فى الجفون ..متى تركة العيون ..ان كان سلاحك كم يصون .. فتراب أرضك لن تهون (الشاعر المصرى ابراهيم خليل).