Sunday, 29 March 2009

ذكرى

لن يمس قلبك صوت في دفء صوته..و لن يشعر بألمك و يغني له أحد مثله..لن تحب مصر و تراها كمعشوقة بالغة الجمال الا من خلاله....و لن تبكي حالها و إنكسارها كما بكاها..يرافقك في كل لحظات حياتك..في حبك الأول وفرحتك الأولى ثم جرحك الأول و خيبتك الأولى و محاولاتك اليائسة للنسيان. في حيرتك و ندمك و خوفك من البدايات الجديدة..لن يدفء أيامك مثله..و لن يحتضنك في لياليك أحن من صوته
أحبك لأنني أحببت الحب منك..أحبك لأنني بكيت الحب من خلالك..أحبك لأنني أحببت تاريخ بلدي عبر كلماتك..أحبك لأن وحدتك و حزنك صاروا شجنا أشجى أغانيك..لأن مرضك و ألمك صاروا عزيمة و إرادة تسري منك لكل من حولك..لأن جراح قلبك خرجت كلمات تداوي القلوب الجريحة..يرحمك الله يا حليم















7 comments:

اعترافات قلب said...

وااااااااااااو
إيه الجمال ده
أنا على فكرة بحب حليم جدا وبحس بكل الأحاسيس اللى انت قلتيها ده
أول مرة سمعت أغنية فدائى بكيت قد إيه فيها مشاعر وحنيه وحب للبلد

بجد حلوة قوى

تحياتى
شيمو القمر

hasona said...

السلام عليكم


فعلا
صوت وأحساسه ليس لهم مثيل
شعوره بالكلمة ومعناه قوي

صوته شجي ومعبر

أسمع معظم أغاني عبد الحليم
وبعض من أغاني أم كلثوم
ونجاة و000
ويطول الحديث

تحياتي

dahlia.. said...

شيمو القمر
أولا وحشتيني ثانيا نورتني
ثالثا أنا بحترم أوي و بحب أوي أوي كل اللي بيحب حليم
رابعا أغنية فدائي دي بتقشعرلي جسمي بجد و أغنية عدى النهار بتخليني أعيط من قلبي على مصر كأنها حبيبتي اللي الكل اتخلى عنها
تحياتي ليكي



hasona
أكيد طبعا اللي بيسمع حليم لازم يكون بيحب نجاة و أم كلثوم و فيروز و كل صوت دافيء و حنون
تحياتي و تقديري

3aziz 3eni said...

كان فنان ذكي بيعرف يدق علي الاحساس مظبوط
له اسلوب مميز مش ممكن نلاقي حد زيه
بسيط ويوصل للقلب بسرعه بدون تكليف او مقدمات

dahlia.. said...

3aziz 3eni

فعلا كان حالة نادرة من الابداع و العطاء الفني..رحمه الله.نورت المدونة،من زمان محدش شافك :)

فاتيما said...

بصى يا دودى
عب الحليم مبقتش أحب أسمعله قوى
عارفة ليه ؟؟
اصل اختك بعيد عنك
خيبة قوى
لما تحب حد تقعد تربط كل حاجة بيه
خطيبى الاولانى اللى كنت مخبوطاله
( هى كدا ادق )
المهم كنت مخبوطاله فى القرون الوسطى فى اوائل التسيعينات كدا ...
كان بيحب عبدالحليم يا ستى
و هارينى شرايط ليه ...
و أنا أسمعه و أعيييييييييط
لما فسخنا الخطوبة مش عايزة أقولك بقى
بقيت كل ما أشوفه و لا اسمعه افتكر المذكور اعلاه ...
بس كل اللى كتبتيه صح مية فى المية
بوسة و حضونة كبييييييييرة للعيال
و طمنينى عليكى دايما

dahlia.. said...

فاتيماااااااااا
ههههههههههه انتي عسل
بحد نورتي البلوج و النت و الدنيا كلها..حتى لو بطلتي تسمعي حليم برضه"كفاية نورك عليا
بوسة و حضووونة أكبر من بتوعك ليكي و ليوسف