Monday 23 August 2010

أزرق


لأن خط الميري أزرق



و القلم في الفصل أزرق

و أما قال مقلوب و حطفح

ركبوه البوكس الأزرق
و لبسوه في السجن أزرق

و ختموا ختم النسر الأزرق

البنات القطر فاتهم

بخ تحت عينيهم أزرق

و اللي ضايعة تستخبى

تحت ليلة هلس أزرق

و الجميلة كي لا تحسد

كان لابد  لفص أزرق

الولد لفلف ودخن

فخ كان دخانه أزرق

مص دمه..و دارى همه

في بنطلونه الجينز الأزرق

و ان قال حرام يرموه ف مكان

ميعرفوش الجن الأزرق

يبقى ليه الأحمر والأبيض ..

لما هي لونها أزرق
 
 
القصيدة للشاعر /ميدو زهير

7 comments:

فاتيما said...

حلو الاختيار دا قوووووى
يا داليا

وحشتينى


بوسيلى العيال

dahlia.. said...

كل سنة و يوسف طيب يا فاتيما و عقبال 100 سنة يا حبيبتي..ربنا يجمعك بيه على خير..وحشتيني قوي..بحاول اجي يوم السبت..ياااا رب اقدر
بحبك

فاتيما said...

انا كمااااااااان
بحبك


بجد؟!!!
هتحاولى تيجى ؟
طب يا رييييييييييت


انا جاية اغلس بقى
و اقولك بعد بحبك


كل سنة و انتى طيبة
يا حبيبتى
عيد ميلاد سعيد
ف حضن حبيبك زوجك العزيز
و العيال ف حضنك
و عيد الميلاد الجاى تخلصينا بقى
وتبقى ام التلاتة
يا هااااااااانم
انا زهقت


بوسات و حضونات
----------------------
http://www.glitter-graphics.com/graphics/287369
----------------------
http://www.glitter-graphics.com/graphics/543956
---------------------

همس الاحباب said...

اختيار موفق جدا
كل سنة وانتى طيبة وعقبال 100 سنة
تحياتى

dahlia.. said...

فاتيما
و انت طيبة يا فاتيما يا روح قلب الكل..ربنا يخليكي ليا يااا ربو ليوسف و لكل اللي بيحبوكي

dahlia.. said...

همس الأحباب
الاستاذ خالددددد عندنا.....يا مرحبااا يا مرحباااا..و حضرتك طيب و الف شكر لمرورك الكريم

عاشقه الرومانسيه said...

دوختينى على مدونتك ياداليا
اخبارك ايه وحشانى
كل سنه وانتى واسرتك بخير يارب
البوست بجد تحفففففففه عاجبنى جدااااااا
يسلم لنا اختيارك


فى انتظارك فى لقاء الاسكندريه والتفاصيل على مدونتى