Sunday 5 April 2009

سرسب


سرسب في ليل وحدتنا

سرسب و سيل

و سيب على جبينا أثر خطوتك

و بعد شمس العصر يجي الأصيل

و الليل طويل..فين يا نهار زهوتك

و دور يا زمن ..دور و خدنا في دايرتك

لا الحسن باقي..و لا الشباب بيدوم

و إزاي يا قلبي دنيتك غرتك

و عشت ليه في الوهم يوم بعد يوم

دور يا زمن.. و خدنا في دايرتك



4 comments:

فاتيما said...

يا لهووووووى
يا داليا على إختياراتك
الغنوة دى بحبها و بتوجعنى فى اوقات كتير لما بخاف العمر يعدى من غير ما اكون لحقت اعمل حاجة
بوسة و حضونة و مش هسألك حطاها ليييييييييه ؟؟!!!
هاه
هسيبك تعترفى لوحدك

dahlia.. said...

فاتيما

آآآآه يا فاتيما..حطاها ليه؟؟!!حطاها عشان محتارة و خايفة و مرعوبة مع كل يوم بيعدي و ما بيرجعش تاني مش بس و أنا مش بعمل حاجة لكن زي ما الأغنية بتقول"إزاي يا قلبي دنيتك غرتك؟"امبارح بالليل كان نفسي أبعتلك ايميل و بعدين قلت هو يا ترة أنا ممكن أكون في شجاعة"حبيبة و أحكي حكايتي لكل الناس عشان يعرفوني صح..و عشان يتعظوا و عشان يمكن حد يقولي أنا صح و لا غلط..ادعيلي يا فاطمة و انتظري ايميل قريب أو بوست اعتراف خطيييير..بوسة و حضونة

فاتيما said...

عاوزة نصيحة من حبيبة ؟!!
إستنى شوية يا دودى
مش يمكن ربنا يفرجها من وسع و متحتاجيش تحكى حاجة و إنتى خايفة او قلقانة ...
حبيبة تشجعت بعد ما كل حاجة ما تقريبا خلصت
لكن عندك إنتى
لسه فاضل حاجات متعلقة كتييييييير
ربنا يا رب يصلحلك الاحوال
و يروقلك الحال
بوسة و حضوناااااااااات كتير من عندى لعندك يا حبيبتى

dahlia.. said...

فاتيما ربنا يخليكي ليا و ما يحرمنيش منك أبدا أبدا أبدا بجد انت اكتر من اخت و أحن من أم
بوسسسسسسسسة و حضووووووونة