كان نفسي أبقى واحدة تانية مع اني كتير بحب الأولانية..
كان نفسي أعرف أخد قرار من غير مفكر ف حد غيري..
و كان نفسي ان أخدته مندمش عليه..
و ان ندمت عليه أعرف أعيش بيه..
و ان معرفتش أقدر أسيبه و أمشي..
و ان مشيت و سيبته مندمش..
و ان ندمت أحاول اني مزعلش..
و ان زعلت أتعلم ابدأ تاني..
و ان بدأت تاني أنسى اللي فات و عدّاني
كان نفسي أعرف أفرح و بس من غير ما أفكر و أخاف و أحس!
كان نفسي لما أقول الأه أعرف بقولها ليه!
كان نفسي لما أنام أعرف أحلم ب ايه!!
كان نفسي لما أستنى بكرة مخفش...
كان نفسي في دنيا ناسها مبتخّوفش
!
نفسي ف دنيا يحبها ناسها
وتحب ناسها تشيلها فوق راسها
والحب ساسها و داب فى انفاسها
والعيد ليلاتى يدق اجراسها
No comments:
Post a Comment