لأن خط الميري أزرق
و القلم في الفصل أزرق
و أما قال مقلوب و حطفح
ركبوه البوكس الأزرق
ركبوه البوكس الأزرق
و لبسوه في السجن أزرق
و ختموا ختم النسر الأزرق
البنات القطر فاتهم
البنات القطر فاتهم
بخ تحت عينيهم أزرق
و اللي ضايعة تستخبى
تحت ليلة هلس أزرق
و الجميلة كي لا تحسد
كان لابد لفص أزرق
الولد لفلف ودخن
فخ كان دخانه أزرق
مص دمه..و دارى همه
في بنطلونه الجينز الأزرق
و ان قال حرام يرموه ف مكان
ميعرفوش الجن الأزرق
يبقى ليه الأحمر والأبيض ..
لما هي لونها أزرق
